Bible thu (Pathian Lehkhabu Thiamhlim, Bu 66) tehi Pathian thawk khum leh a
thu diklo theilo, amah atanga chhuak, he leia kan awm chhunga nun
kaihruaitu atana tha tawk leh rintlak awmchhun ani.
Pathian pakhat chauh a awm a, Pathian ah chuan minung pathum: Pa leh Fapa
leh Thlarau Thianghlim an awm ani.
Isua Krista Pathianna leh heng, nula thianghlim hrin, mihring anga rawn
awm, sualna neilo, kan sual tlan nana nun hlan, a mihring taksa nen ngeia
tho leh, nakina a mithianghlimte lam tura lo kal leh tur a nihna tehi kan
ring tlat ani.
Mihringte hi sual a thi leh bo hnu an ni a. He sualna atanga ngaihdamna an
chan theihna kawng awmchhun chu inchhir chunga sual simna leh Lal Isua
Krista thihna leh thawhlehna rin hi ani.
Thlarau thianghlim hnathawhna a zar a mi tu pawh Pathian fa ni tura an pian
thar lehna.
Mihring thiamchanna chu Isua Krista rinna ah chauh a awm a, chu rinna chu
Pathian ropuina tarlanna tura thil tha tih ten an tilang thin.
Tui a Baptisma chu mihringin siamtharna a chan hnu a, Pa leh Fapa leh
Thlarau Thianghlim hminga tuia hnim phum ani.
Krista thuhretu leh nun puitu ni thei turin mihring chu Thlarau Thianghlim
thiltihtheihna in a luah khat fo tur ani.
